Qazaqstannyń birinshi, álemniń 37-raketkasy Aleksandr Býblik Rolan Garros týrniriniń ekinshi ainalymyna shyǵa almady, dep habarlaidy "Ult aqparat".
Qazaqstandyq tennisshi jarystyń bas arenasy – Filipp Shatrie kortynda álemniń 2-raketkasy, reseilik Daniil Medvedevpen kúsh synasty.
Qarsylastar buǵan deiin bir ret kezdesip, onda D.Medvedev jeńiske jetken edi.
Eki saǵatqa jýyq ýaqytqa sozylǵan matchta reseilik sportshy sáttirek oinai aldy – 6:3, 6:3, 7:5.
Báseke barysynda A.Býblik segiz eis jasap, 9 breik-pointtyń úsheýin paidalana aldy. D.Medvedev jeti breikke qol jetkizdi.
Osylaisha erler arasynda Frantsiia ashyq chempionatynda Qazaqstannan eshkim qalǵan joq.
D.Medvedev ekinshi ainalymda álemniń 52-raketkasy, amerikalyq Tommi Pol nemese reitingte 129-satydaǵy aýstraliialyq Kristofer O'Konneldiń bireýimen kortqa shyǵady.
