قازاقستاننىڭ بٸرٸنشٸ, ەلەمنٸڭ 37-راكەتكاسى الەكساندر بۋبليك رولان گارروس تۋرنيرٸنٸڭ ەكٸنشٸ اينالىمىنا شىعا المادى, دەپ حابارلايدى "ۇلت اقپارات".
قازاقستاندىق تەننيسشٸ جارىستىڭ باس ارەناسى – فيليپپ شاتريە كورتىندا ەلەمنٸڭ 2-راكەتكاسى, رەسەيلٸك دانييل مەدۆەدەۆپەن كٷش سىناستى.
قارسىلاستار بۇعان دەيٸن بٸر رەت كەزدەسٸپ, وندا د.مەدۆەدەۆ جەڭٸسكە جەتكەن ەدٸ.
ەكٸ ساعاتقا جۋىق ۋاقىتقا سوزىلعان ماتچتا رەسەيلٸك سپورتشى سەتتٸرەك ويناي الدى – 6:3, 6:3, 7:5.
بەسەكە بارىسىندا ا.بۋبليك سەگٸز ەيس جاساپ, 9 برەيك-پوينتتىڭ ٷشەۋٸن پايدالانا الدى. د.مەدۆەدەۆ جەتٸ برەيككە قول جەتكٸزدٸ.
وسىلايشا ەرلەر اراسىندا فرانتسييا اشىق چەمپيوناتىندا قازاقستاننان ەشكٸم قالعان جوق.
د.مەدۆەدەۆ ەكٸنشٸ اينالىمدا ەلەمنٸڭ 52-راكەتكاسى, امەريكالىق توممي پول نەمەسە رەيتينگتە 129-ساتىداعى اۋسترالييالىق كريستوفەر و'كوننەلدٸڭ بٸرەۋٸمەن كورتقا شىعادى.
