Qazaqstan Bangladeshtegi mianmalyq rohindja musylmandaryna resmi gýmanitarlyq kómek kórsetý úshin 500 myń dollar bóledi, - dep habarlaidy "Ult aqparat" Tengrinews.kz portalyna silteme jasap.
Qarajat 2017 jyldyń biýdjetinde Qazaqstan Respýblikasy men ózge memleketter aýmaǵyndaǵy tabiǵi jáne tehnologiialyq tótenshe jaǵdailar qorynan bólinedi.
Munyń aldynda, RIA Novosti tórt aida Mianmanyń Rokhain shtatynan Bangladeshke 665 myń rohindja qashyp barǵanyn málimdegen.
"25 jeltoqsanda Bangladeshke rohindja bosqyndarynyń kele bastaýyna tórt ai tolady. Sońǵy málimetter boiynsha, bul ýaqytta 665 myń adam kelgen. Bul Koks-Bazardaǵa jalpy rohindja sanynyń 867,5 myń adamǵa jetýine ákeldi", - degen edi Kóshi-qon boiynsha halyqaralyq uiymynyń resmi ókili Djoel Millman.
Rohindja, Mianmanyń Rakhain shtatynda turyp jatqan etnikalyq bengal-musylmandary. Rohindja sodyrlarynyń mianmalyq shekara postaryna jasaǵan shabýylynan keiin el áskeri keń aýqymdy jaýapty operatsiia saldarynan olar Bangladeshke qashqan.
