Kollaj Qaz365.kz
Ulttyq qurama sportshysy Rizabek Aitmuhan Serbiia astanasy Belgradta ótip jatqan kúresten álem chempionatynda top jardy, dep habarlaidy "Ult aqparat".
Erkin kúresten 92 kg deiingi salmaqtyń finalynda Rizabek əzirbaijandyq Osman Nýrmagomedovpen kúsh synasyp, jeńiske jetti. Esep: 5-2.
Osylaisha, ol egemendik alǵaly beri erkin kúresten álem chempionatynda altyn alǵan tuńǵysh ári eń jas qazaqstandyq palýan atandy. Osy ýaqytqa deiin Ulttyq qurama sportshylar 17 júldege qol jetkizgen. Onyń beseýi kúmis, 12-si qola medal.
Aita keteiik, keshe Rizabek básekeni 2-ainalymnan bastap, majarstandyq Balash Iýhash pen túrkiialyq Feizýlla Aqtúrikti taza utqan. Sosyn osy salmaqtaǵy qazirgi álem reitinginiń kóshbasshysy - grýziialyq Miriani Maisýrazdeni qapy qaldyrdy.
Rizabek Aitmuhan biyl ózi qatysqan barlyq jarysta tuǵyr satysyna kóterildi. Atap aitar bolsaq, jyldyń basynda Almatyda ótken kúresten QR-nyń VI jazǵy Spartakiadasynda eshkimge des bermei, Ulttyq qurama sapyn tolyqtyrdy. Osydan keiin kóktemde Astanada ótken eresekter arasyndaǵy Aziia chempionatynda, sondai-aq, Amman qalasynda ótken jastar arasyndaǵy álem chempionatynda kúmis medal jeńip aldy.
Qazir Madiiar Quramysov baptaityn erkin kúresten Qazaqstan quramasynyń qorjynynda Belgradtaǵy básekeniń 2 júldesi bar. Keshe Azamat Dáýletbekov (86 kg) qola medalmen birge Parij Olimpiadasynyń joldamasyna ielik etti.
Aita keteiik, 92 kg deiingi salmaq Olimpiada baǵdarlamasyna kirmeidi.
