Demalys kúnderi Nur-Sultan qalasynyń politseileri 34 karantin rejimin buzý faktisin anyqtady, dep habarlaidy "Ult aqparat" elordalyq politsiia departamentiniń baspasóz qyzmetine silteme jasap.
Demalys kúnderi politsiia qyzmetkerleri úilený toiyn ótkizgen meiramhanalardy anyqtady. Bul toilarda meiman sany kóp bolǵan, olardyń arasynda qarttar men balalar da bar. Mysaly, keshe «Gaýhartas» meiramhanasynyń banket zalynda 150 adamǵa arnalǵan toi anyqtaldy. Zalda merekelik dastarhan jaiylyp, qonaqtar jaiǵasqan. Sondai-aq politseiler «Rixos President Astana» qonaqúiine kelgen kezde munda 100-den astam adam jinalǵan úilený toiy ótip jatqan. «Alýa» meiramhanasynda ótken qyz uzatýǵa da karantin rejimi kedergi bolmaǵan. Politseiler meiramhanada 100-ge jýyq qonaq bolǵanyn anyqtaǵan.
Úilený toiymen qatar, azamattar qaýipsizdik sharalaryn elemei, kóp adam shaqyryp as beredi. «Tólep» meiramhanasynda áleýmettik qashyqtyqty saqtamaǵan 50-den astam adam asqa jinalǵan. Barlyq zań buzý faktisine qatysty material QR ÁQBK 425-baby boiynsha jaýapkershilikke tartý úshin Nur-Sultan qalasynyń Taýarlar men kórsetiletin qyzmetterdiń sapasy men qaýipsizdigin baqylaý basqarmasyna joldandy.
Jedel top demalys kúnderi 623 kásipkerlik nysanyn tekserip, 34 karantin rejimin buzý faktisin anyqtady.
