Tokio Olimpiadasynda sporttyq quzǵa órmeleýden biliktilik aiaqtaldy, dep habarlaidy "Ult aqparat" Olympic.kz-ke silteme jasap.
Sporttyń bul túrinde Qazaqstan atynan Rishat Haibýllin óner kórsetti. Biliktilikke qatysýshylar bul sporttyń úsh túri boiynsha baq synady: jyldamdyqqa shyǵý, qiyndyqtarmen shyǵý jáne boýldering.
Rishat jyldamdyqqa shyǵý boiynsha tórtinshi boldy. Odan keiin boýlderingti 17-shi bolyp aiaqtady. Sheshýshi - qiyndyqtarmen shyǵýda R.Haibýllin 13-shi nátije kórsetti.
Irikteý raýndynyń qorytyndy hattamasynda qazaqstandyq 11-shi boldy. Alaida finalǵa óte almady. Oǵan tek segiz myqty sportshy ǵana joldama aldy.
Budan erte sinhrondy júzý boiynsha Qazaqstan komandasynyń ókilderi Aleksandra men Ekaterina Nemich Tokiodaǵy Olimpiada oiyndarynda óner kórsetýin aiaqtaǵan edi.
