توكيو وليمپياداسىندا سپورتتىق قۇزعا ٶرمەلەۋدەن بٸلٸكتٸلٸك اياقتالدى, دەپ حابارلايدى "ۇلت اقپارات" Olympic.kz-كە سٸلتەمە جاساپ.
سپورتتىڭ بۇل تٷرٸندە قازاقستان اتىنان ريشات حايبۋللين ٶنەر كٶرسەتتٸ. بٸلٸكتٸلٸككە قاتىسۋشىلار بۇل سپورتتىڭ ٷش تٷرٸ بويىنشا باق سىنادى: جىلدامدىققا شىعۋ, قيىندىقتارمەن شىعۋ جەنە بوۋلدەرينگ.
ريشات جىلدامدىققا شىعۋ بويىنشا تٶرتٸنشٸ بولدى. ودان كەيٸن بوۋلدەرينگتٸ 17-شٸ بولىپ اياقتادى. شەشۋشٸ - قيىندىقتارمەن شىعۋدا ر.حايبۋللين 13-شٸ نەتيجە كٶرسەتتٸ.
ٸرٸكتەۋ راۋندىنىڭ قورىتىندى حاتتاماسىندا قازاقستاندىق 11-شٸ بولدى. الايدا فينالعا ٶتە المادى. وعان تەك سەگٸز مىقتى سپورتشى عانا جولداما الدى.
بۇدان ەرتە سينحروندى جٷزۋ بويىنشا قازاقستان كومانداسىنىڭ ٶكٸلدەرٸ الەكساندرا مەن ەكاتەرينا نەميچ توكيوداعى وليمپيادا ويىندارىندا ٶنەر كٶرسەتۋٸن اياقتاعان ەدٸ.
