Foto: ©️ Tengrinews.kz / Turar Qazanǵapov
Májilistiń jalpy otyrysynda Qorǵanys ministri Rýslan Jaqsylyqov depýtat Rinat Zaiytovtyń saýalyna jaýap bere otyryp, "joǵary laýazymdy tulǵalar men olardyń balasyn eki ailyq áskeri daiyndyqqa mindetteýge múmkindik beretin" arnaiy norma ázirleý usynysyna qatysty pikir bildirdi, dep habarlaidy "Ult aqparat" Halyq Uni saityna silteme jasap.
«Áriptesim, depýtat Jigýli Dairabaev «Bul otandy biz qorǵamasaq, basqa kim qorǵaidy» dep óte jaqsy sóz aitty. Siz statistikańyzda (áskerge - esk.) 90% aýyl jastary keledi dep aittyńyz. Men osy ýaqytqa deiin qatelesýim de múmkin, biraq «ministrdiń balasy, ákimniń balasy áskerde júr» degendi estimeimin. Osy zańnyń aiasynda joǵary laýazymdy tulǵalardyń ne ózderin, ne balalaryn osy eki ailyq áskeri daiyndyqqa mindetteitin norma qarastyrýǵa bola ma?», - dedi depýtat.
Rýslan Jaqsylyqov suraqqa taǵy oryssha jaýap berip, depýtat usynǵan normany engizýdiń qajeti joqtyǵyn aitty.
"Uldaryn áskerge jibergender bul jaiynda kópshilikke jariialamaidy. Júrekpen patriot bolý kerek, patriottyq degen jariia etilmeidi. Buryn Ishki ister ministri bolǵan Qalmuhanbet Qasymov eki jienin áskerge ózi alyp keldi. Burynǵy senator Muhtar Qul-Muhammedtiń uly mektep bitirgen soń desanttyq-shabýyldaý áskerinde boryshyn ótep, qazir AQSh-taǵy áskeri ýchilisheniń kýrsanty bolyp otyr. Bul úlgi emes pe? Ministr men depýttardyń uldaryn bóletin normanyń qajeti joq. Zań bárine ortaq, tek ony kim qalai oryndaǵany mańyzdy", - dedi ministr.
