فوتو: ©️ Tengrinews.kz / تۇرار قازانعاپوۆ
مەجٸلٸستٸڭ جالپى وتىرىسىندا قورعانىس مينيسترٸ رۋسلان جاقسىلىقوۆ دەپۋتات رينات زايىتوۆتىڭ ساۋالىنا جاۋاپ بەرە وتىرىپ, "جوعارى لاۋازىمدى تۇلعالار مەن ولاردىڭ بالاسىن ەكٸ ايلىق ەسكەري دايىندىققا مٸندەتتەۋگە مٷمكٸندٸك بەرەتٸن" ارنايى نورما ەزٸرلەۋ ۇسىنىسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات" Halyq Uni سايتىنا سٸلتەمە جاساپ.
«ەرٸپتەسٸم, دەپۋتات جيگۋلي دايراباەۆ «بۇل وتاندى بٸز قورعاماساق, باسقا كٸم قورعايدى» دەپ ٶتە جاقسى سٶز ايتتى. سٸز ستاتيستيكاڭىزدا (ەسكەرگە - ەسك.) 90% اۋىل جاستارى كەلەدٸ دەپ ايتتىڭىز. مەن وسى ۋاقىتقا دەيٸن قاتەلەسۋٸم دە مٷمكٸن, بٸراق «مينيستردٸڭ بالاسى, ەكٸمنٸڭ بالاسى ەسكەردە جٷر» دەگەندٸ ەستٸمەيمٸن. وسى زاڭنىڭ اياسىندا جوعارى لاۋازىمدى تۇلعالاردىڭ نە ٶزدەرٸن, نە بالالارىن وسى ەكٸ ايلىق ەسكەري دايىندىققا مٸندەتتەيتٸن نورما قاراستىرۋعا بولا ما?», - دەدٸ دەپۋتات.
رۋسلان جاقسىلىقوۆ سۇراققا تاعى ورىسشا جاۋاپ بەرٸپ, دەپۋتات ۇسىنعان نورمانى ەنگٸزۋدٸڭ قاجەتٸ جوقتىعىن ايتتى.
"ۇلدارىن ەسكەرگە جٸبەرگەندەر بۇل جايىندا كٶپشٸلٸككە جارييالامايدى. جٷرەكپەن پاتريوت بولۋ كەرەك, پاتريوتتىق دەگەن جارييا ەتٸلمەيدٸ. بۇرىن ٸشكٸ ٸستەر مينيسترٸ بولعان قالمۇحانبەت قاسىموۆ ەكٸ جيەنٸن ەسكەرگە ٶزٸ الىپ كەلدٸ. بۇرىنعى سەناتور مۇحتار قۇل-مۇحاممەدتٸڭ ۇلى مەكتەپ بٸتٸرگەن سوڭ دەسانتتىق-شابۋىلداۋ ەسكەرٸندە بورىشىن ٶتەپ, قازٸر اقش-تاعى ەسكەري ۋچيليششەنٸڭ كۋرسانتى بولىپ وتىر. بۇل ٷلگٸ ەمەس پە? مينيستر مەن دەپۋتتاردىڭ ۇلدارىن بٶلەتٸن نورمانىڭ قاجەتٸ جوق. زاڭ بەرٸنە ورتاق, تەك ونى كٸم قالاي ورىنداعانى ماڭىزدى", - دەدٸ مينيستر.
