Rim Papasy Frantsisk Nur-Sultanda sóz sóiledi. Óz úndeýinde pontifik Abaidyń sózinen dáieksóz keltirdi, - dep habarlaidy Tengrinews.kz agenttigi.
"Keshe qazaqtyń ulttyq aspaby dombyra týraly kóp málimet aldym. Búgin bul mýzykalyq aspapty osy jerdiń uly aqyny, qazirgi ádebietiniń atasy hám kompozitory – Abaidyń únimen bailanystyrǵym keledi. Ol artynda dinshildikpen sýsyndaǵan týyndylar qaldyrdy, onda osy halyqtyń jan dúniesindegi eń jaqsy nárse kórsetilgen - beibitshilikti ańsaityn jáne soǵan umtylatyn úilesimdi danalyq", – dedi Rim Papasy Álemdik jáne dástúrli dinder kóshbasshylarynyń sezinde.
Pontifik beibitshilik negizinde mahabbat pen ádilettilik jatqanyn atap ótti.
"Abai adamzattyń bastaýy - mahabbat pen ádildik ekenin eske salady. Eshqandai jaǵdaida zorlyq-zombylyqty aqtaýǵa bolmaidy. (...) Adamǵa laiyqty quraldar - balalarǵa, jas urpaqqa erekshe qamqorlyqpen ótkizetin kezdesýler, dialog, shydamdy kelissózder... Abai osyǵan bailanysty bilimin keńeitýge, óz mádenietinen tys shyǵýǵa, tanym, tarih jáne basqalardyń ádebietin qabyldaýǵa shaqyrdy. Ótinemin, qarý-jaraqqa emes, bilimge aqsha salaiyq", - dedi Rim Papasy.
Rim Papasy Frantsisk búginde eń úlken qaýip faktory áli de kedeilik ekenin atap ótti. Osy oraida pontifik Abaidyń "Ashtyqqa ushyraǵandar anyq oilap, oqýda qulshynys tanyta ala ma?" degen sózin aityp ótti.
"Keiingi onjyldyqta bul din basshylary arasyndaǵy dialogtyń basty taqyryby boldy. Abai: "Zulymdyqqa kedergi keltirmesten jol beretin adamdy shynaiy dinshil dep sanaýǵa bolmaidy", - deidi. Baýyrlar men ápkeler, árqaisymyz zulymdyqtan arylýymyz kerek. Qazaqtyń uly aqyny osyny talap etti", - dedi Rim Papasy.
