Foto: sn.kz
Shyǵys Qazaqstan oblysynyń Ridder qalasyndaǵy jylý elektr ortalyǵynda taǵy da apat boldy, dep habarlaidy QazAqparat.
Qala ákimdiginiń málimetine súiensek, jylý elektr ortalyǵyndaǵy apat 28 aqpanda saǵat 3.45-te bolǵan.
«№1 jáne №2 qazandyq apattyq jaǵdaida óshirildi. Al, sol ýaqytta №3 jáne №4 qazandyq qana jumys istep turdy. Qazir №2 qazandyqty jóndeý jumystary aiaqtalyp, ol iske qosyldy. №1 qazandyq ta qalypqa keltirilip, qosylýǵa daiyndalyp jatyr», - deidi shahar basshysy Dmitrii Gorkovoi.
Eske salsaq, 5 qarasha kúni saǵat 20:00-de Ridderdegi JEO-da kúl shyǵarý júiesindegi sorǵy isten shyǵyp, №1 qazandyq agregatynyń qosalqy jabdyǵy apatty jaǵdaida ajyratylǵan bolatyn. Sonyń saldarynan 22 myńnan astam abonent úshin jylý berý azaityldy.
Ridder turǵyndary JEO-ny kommýnaldyq menshikke qaitarý týraly petitsiia jazdy.
Qańtar aiynyń aiaǵynda ortalyq iesiniń aýysqany belgili boldy. 16 aqpanda Ridderdegi tótenshe jaǵdai rejimi alynyp tastaldy.
