© Photo: Úkimet basshysynyń baspasóz qyzmeti
Shyǵys Qazaqstan oblysy Ridder qalasyndaǵy jylý ortalyǵynda apat boldy degen aqparat jalǵan. Bul týraly jergilikti ákimdik málimdedi, - dep habarlaidy Sputnik Qazaqstan.
Ákimdik málimetinshe, jylý elektr ortalyǵynda jylý óshirilgen joq, sondai-aq qazandyq qondyrǵylary toqtamaǵan. Stantsiia shtattyq rejimde jumys istep tur. Jylý jáne ystyq sýmen jabdyqtaý úzilissiz júzege asyp jatyr.
"10 jeltoqsanda qysqa tuiyqtalý saldarynan qazandyqqa kómir otynyn jetkizetin qurylǵy elektr qýatynynan ajyraǵan. Jóndeý jumystarynyń arqasynda №2 qazandyq agregaty iske qosyldy, ol ýaqytsha kómir otynynan mazýtqa aýystyryldy, bul – ádettegi jumys protsesi", - deidi ákimdik.
Vedomstvonyń aitýynsha, JEO-da jedel iske qosylǵan avtomatikanyń arqasynda 2 saǵattan keiin qazandyq kómir otynyna aýystyryldy.
"Aqaýlardy joiý kezinde Ridder qalasy turǵyndarynyń páterleri men úilerindegi temperatýra +20S-tan tómen túsken joq, bul bekitilgen normativterge sáikes keledi. Qazirgi ýaqytta Ridder JEO shtatty rejimde jumysyn jalǵastyryp jatyr. 4 qazandyq agregaty jumys isteidi, al ekeýi rezervte. Monoqalany jylýmen jáne ystyq sýmen qamtamasyz etý baqylaýda jáne úzdiksiz júzege asyrylady", - dep málimdedi Ridder qalasynyń ákimdigi.
Taraǵan jalǵan aqparat úshin qala ákimi halyqtan keshirim surady.
"Qurmetti qala turǵyndary, ákimdik bergen qate aqparat úshin shyn júrekten keshirim suraimyn. Sonymen qatar Ridder ákimdigi aqparatty búrkemesiz ashyq jariialaidy jáne jurtshylyqqa aqparat qoljetimdi bolady", - dedi Ridder qalasynyń ákimi Dáýlet Batyrbaev.
