Foto: Instagram/danial.akhmetov.official
Ridder qalasyndaǵy jylý eektr stantsiiasyndaǵy taspaly transporter aýmaǵynda josparly jóndeý-montajdaý jumystary kezinde shań-aýa qospasy jarylyp, 6 adam adam jaraqat aldy, dep habarlaidy Ult.kz.
Ridder qalasy ákimdiginiń málimetinshe, búgin tańǵy 4:39-da "Ridder JEO"-da taspaly transporter aýmaǵynda josparly jóndeý-montajdaý jumystary kezinde shań-aýa qospasynyń jarylysy bolǵan, biraq órt shyqpaǵan.
Oqiǵa ornyna Shyǵys Qazaqstan oblysynyń ákimi Ermek Kósherbaev bardy.
"Oqys oqiǵa saldarynan 6 adam zardap shekti. Qazir olar aýrýhanada, jaǵdailary turaqty. Biz stantsiia direktorymen birge nysandy tolyǵymen tekserip shyqtyq. Stantsiia jumys istep tur", - dedi ákim.
Ákimdik turǵyn úilerdegi temperatýranyń qalypty deńgeide ekenin málimdedi. Qazirgi ýaqytta Ridder qalasynda aýa temperatýrasy -4 gradýs.
"Shyǵys jylý" AQ mamandary qala jylý júiesin tekserip, retteý jumystaryn júrgizýde. Osyǵan bailanysty jelidegi qysym ýaqytsha azdap tómendeýi múmkin ekeni habarlandy.
