Ridder qalasynda opyrylǵan taý jynysynda qalyp qoiǵan jumysshy eki kúnnen soń qutqaryldy, dep habarlaidy "Ult aqparat".
«7 qańtar kúni saǵat 03.00 shamasynda qutqarý tobynyń birlesken qimyl-áreketiniń nátijesinde kenshi shahtadan aman-esen shyǵaryldy. Onyń densaýlyq jaǵdaiy qalypty. Tolyqtai tekserýden ótý úshin aýrýhanaǵa jiberildi», – dep habarlandy «Kaztsink» JShS-niń Facebook paraqshasynda.
Eske sala ketsek, 5 qańtar kúni «Kaztsink» JShS-ǵa qarasty Ridder taý-ken baiytý kesheniniń Ridder-Sokolnyi kenishindegi ýchaskelerdiń birinde taý jynysy opyrylyp, shahtadaǵy 1 jumysshy syrtqa shyǵa almai qalǵan. Lezde qutqarý shtaby qurylyp, sol jerge arnaiy mamandar men tehnikalar tartylǵan bolatyn.
