ريددەر قالاسىندا وپىرىلعان تاۋ جىنىسىندا قالىپ قويعان جۇمىسشى ەكٸ كٷننەن سوڭ قۇتقارىلدى, دەپ حابارلايدى "ۇلت اقپارات".
«7 قاڭتار كٷنٸ ساعات 03.00 شاماسىندا قۇتقارۋ توبىنىڭ بٸرلەسكەن قيمىل-ەرەكەتٸنٸڭ نەتيجەسٸندە كەنشٸ شاحتادان امان-ەسەن شىعارىلدى. ونىڭ دەنساۋلىق جاعدايى قالىپتى. تولىقتاي تەكسەرۋدەن ٶتۋ ٷشٸن اۋرۋحاناعا جٸبەرٸلدٸ», – دەپ حابارلاندى «كازتسينك» جشس-نٸڭ Facebook پاراقشاسىندا.
ەسكە سالا كەتسەك, 5 قاڭتار كٷنٸ «كازتسينك» جشس-عا قاراستى ريددەر تاۋ-كەن بايىتۋ كەشەنٸنٸڭ ريددەر-سوكولنىي كەنٸشٸندەگٸ ۋچاسكەلەردٸڭ بٸرٸندە تاۋ جىنىسى وپىرىلىپ, شاحتاداعى 1 جۇمىسشى سىرتقا شىعا الماي قالعان. لەزدە قۇتقارۋ شتابى قۇرىلىپ, سول جەرگە ارنايى ماماندار مەن تەحنيكالار تارتىلعان بولاتىن.
