Foto: Halyqstan
Ridderdegi Máńgilik alaýdyń janynda qýyrylǵan taýyqtyń qaldyqtary tabyldy. Shyǵys Qazaqstan oblystyq Politsiia departamenti buzaqylardy izdestirip jatyr, dep habarlaidy Ult.kz.
Jergilikti turǵyn tańerteń Máńgilik alaý shetinen taýyq qaldyǵyn taýyp alyp, muny jelige jariialady. Sosyn muny politsiia men qala ákimdigine málimdep, II dúniejúzilik soǵysta qaza tapqan batyrlarǵa arnalǵan eskertkishtiń nege mundai jaǵdaida qalǵanyn surady.
Turǵyn jartylai kúigen etti jaqyn mańdaǵy qoqys jáshigine tastaǵan, al kommýnaldyq qyzmetkerler onyń ótinishi boiynsha dereý kelip, qoqysty tazalaǵan.
Shyǵys Qazaqstan oblystyq Politsiia departamenti qorlaý deregi boiynsha isti tirkedi."Qazir quqyqbuzýshylardy anyqtaý jáne olardyń sózsiz qylmystyq jaýapqa tartylýyn qamtamasyz etý úshin birqatar tergeý jáne protsessýaldyq sharalar júrgizilip jatyr. Politsiia qyzmetkerleri ainaladaǵy aýmaqtardy aralap, beinebaqylaý kameralarynyń jazbalaryn qarap, kýágerlerdi anyqtap, olardan jaýap aldy", – dep habarlady PD baspasóz qyzmeti.
Sondai-aq politsiia zań talaptaryn saqtaý árbir azamattyń sózsiz mindeti ekenin eske saldy.
Tarihi jáne mádeni eskertkishterdi, ǵimarattar men qurylystardy qorlaýǵa ákimshilik jáne qylmystyq jaýapkershilik qarastyrylǵan. Kez kelgen zańsyz áreketter qatań túrde toqtatylady, al kináli dep tanylǵandar qoldanystaǵy zańnamaǵa sáikes jazalanady.
