Foto: Pexels.com
Ridder qalasynda 200 oryndyq statsionary jáne bir aýysymda 500 adamdy qabyldai alatyn emhanasy bar kópsalaly aýrýhana kesheniniń qurylysyn aiaqtaýǵa 28,2 mlrd teńge bólindi. Bul qarajat zańsyz iemdenilgen aktivterdi memleketke qaitarý týraly zań aiasynda qaitarylǵan qarjydan baǵyttaldy, dep habarlaidy Ult.kz Úkimettiń baspasóz qyzmetine silteme jasap.
"Jobanyń jalpy quny – 34,8 mlrd teńge, qazirgi ýaqytta 6,6 mlrd teńge igerildi, onyń ishinde 2 mlrd teńge respýblikalyq biýdjetten, 4,6 mlrd teńge jergilikti biýdjetten bólingen. Qalǵan qarajat Arnaýly memlekettik qordan bólinedi", - delingen habarlamada.
Demografiialyq júktemesi joǵary monoqala úshin aýrýhana kesheniniń ashylýy óte mańyzdy bolyp otyr. Ridderdiń halqy 55 myń adamdy quraidy, onyń 22,7%-y 60 jastan asqan. Qalanyń ár túkpirindegi 12 ǵimaratta ornalasqan jalǵyz aýrýhana kesheniniń ǵimarattary 80 jyldan astam ýaqyt buryn salynǵan. Nysandar eskirgen jáne qazirgi zamanǵy talaptarǵa sáikes kelmeidi. Sonymen qatar halyqqa shuǵyl meditsinalyq kómek kórsetý úshin qosymsha kardiologiialyq, insýlttik, travmatologiialyq jáne kúiik tósekterin ashý qajet.
Jańa kópsalaly keshenniń jalpy aýdany – 40 myń m2. Aýrýhana saraptamalyq klastaǵy meditsinalyq jabdyqtarmen jabdyqtalady. Munda 500-den astam qyzmetker jumys isteitin bolady.
Úkimettegiler mundai jobalar Riddermen shektelmeitinin aitady. Buǵan deiin qaitarylǵan aktivter:
- Aqtóbede erekshe qajettilikteri bar balalarǵa arnalǵan balabaqsha,
- Aqmola oblysynyń Zerendi aýylynda sport kesheni,
- Túrkistan oblysynyń Temirlan aýylynda mýzyka mektebi,
- Arqalyqta daryndy sportshy balalarǵa arnalǵan sport kesheni qurylysyna baǵyttalǵan.
Jumystar jalǵasýda.
