Foto: video skrinshoty
Shyǵys Qazaqstan oblysy Ridder qalasynda jylý elektr ortalyǵyndaǵy bager stantsiiasynda apat boldy. Bul týraly oblys ákimi Danial Ahmetov áleýmettik jelidegi paraqshasynda jazdy.
«Ridder jylý elektr ortalyǵy basshylyǵynyń nemqurailyǵynan bager stantsiiasy qaitadan sý astynda qaldy. Dál osyndai jaǵdai ótken jyldyń 5 qarashasynda bolǵan. Sol kezde merdiger uiymdardyń kúsh-jigerimen biz mazýtty soryp alyp, barlyq agregattardyń jumysyn qalpyna keltirgen edik. Alaida, JEO basshylyǵynyń kinásinen jaǵdai qaitalandy. Qazir bager stantsiiasynda apatty joiý júrgizilip jatyr. 4 motopompa, 4 sýasty sorǵysy iske qosyldy», - deidi aimaq basshysy.
Tótenshe jaǵdai jónindegi shtabtyń aqparatyna sáikes, apat saldary 3-4 saǵat ishinde joiylady.
«Ridder turǵyndaryna aitarym, bolǵan jaǵdai stantsiianyń jumysyna áser etpeidi. Alańdaýǵa eshqandai sebep joq. Rezervtik jabdyq qosylǵan. JEO-dan jylý berý keste boiynsha júrgiziledi. Shtab mamandary oqiǵanyń sebepterin anyqtap jatyr», - dedi Danial Ahmetov.
