Shyǵys Qazaqstan oblysy Ridder qalasynda aiýlar kóshe kezip júrgen, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, politsiiaǵa habarlasqan turǵyndar jyrtqysh ańnyń kóshe kezip júrgendigin aitty.
«Belgili bolǵandai, birneshe aiý qyrkúiek aiynyń basynda qala aýmaǵyna kirip ketken. Turǵyndar aiýlardy Polevoi kóshesindegi №202 jáne №206 úilerdiń mańynda jáne Proletarskaia kóshesinde baiqady. Atalǵan fakti boiynsha tártip saqshylary túz taǵylarynyń qaida ekenin anyqtaý úshin tiisti sharalardy júrgizdi. Qazirgi ýaqytta shahar kóshelerinde aiýlar joq», - delingen habarlamada.
Vedomstvo ókilderiniń dereginshe, jyrtqysh ańdar eshkimge zardap tigizbegen.
