Áleýmettik jelilerde Ridder qalasynda suiytylǵan gazdyń baǵasy litrine 120 teńgeni quraityny týraly beinerolik taratylýda. Ridder ákimdiginiń baspasóz qyzmeti bul aqparatty joqqa shyǵardy, dep habarlaidy "Ult aqparat" StopFake.kz saityna silteme jasap.
– 2022 jylǵy 14 qańtarda Ridderde janarmai quiý beketinde avtogazdyń quny litrine 120 teńgeni quraityny týraly messendjerler men áleýmettik jelilerde taratylǵan aqparat shyndyqqa janaspaidy. Ridder qalasy Hlebnyi tuiyq kóshesi, 3 meken jaiy boiynsha ornalasqan AGQS-da suiytylǵan gaz, 2022 jylǵy 14 qańtardaǵy jaǵdai boiynsha, litrine 60 teńgeden satylýda, – dep habarlady vedomstvodan.
Bul aqparatty Ridder qalasy gaz sharýashylyǵynyń direktory Aleksandr Fedorov ta rastady.
