Búgingi tańda Rezervtegi qyzmetti engizý máseleleri boiynsha zań jobasy ázirlendi. Zań jobasy Parlamentte qabyldanǵannan keiin rezervtegi qyzmetke azamattardy qabyldaý bastalady. Al jalpy qabyldaý qalai ótedi, rezervtegi qyzmet bizge qajet pe, osy jáne basqa da suraqtarǵa Qarýly kúshter Bas shtaby Uiymdastyrý-jumyldyrý departamentiniń aǵa-ofitseri, podpolkovnik Berik Súleimenov onlain-brifingte jaýap berdi, – dep habarlaidy «Ult aqparat».
Oqytylǵan jumyldyrý rezervin qalyptastyrý, eldiń qorǵanys áleýmetin arttyrý úshin jalpy qabyldanǵan praktika ekenin sheteldik tájiribelerde jasalǵan taldaýlar kórsetip júr. Qorǵanys ministrligi rezervte qyzmette engizý máseleleri boiynsha Qazaqstan Respýblikasynyń keibir zańnamalyq aktilerine ózgerister men tolyqtyrýlar engizý týraly Qazaqstan Respýblikasy Zańynyń jobasyn ázirledi. Rezervtegi qyzmettiń negizgi maqsattary, mindetteri jáne artyqshylyqtary qandai degen máseleler talqylaýǵa shyqty.
Qarýly kúshter Bas shtaby Uiymdastyrý-jumyldyrý departamentiniń aǵa-ofitseri, podpolkovnik Berik Súleimenovtiń aitýynsha, Rezervtegi qyzmet ol erkindik negizindegi azamattardyń negizgi jumysyn, áskeri qyzmetin birlestiretin kelisimshart boiynsha áskeri qyzmet.
«Rezervtegi qyzmet memlekettiń qorǵanys qabiletin arttyrý úshin qajetti. Ol áskeri bólimderdiń óristetý merzimderin qysqartý jolymen jetiledi. Rezervtegi qyzmetke azamattar erkindik túrde qabyldanady. Olardyń arasynan áskeri eseptik mamandar bar. Mysaly, pýlemetshiler, júrgizýshiler, snaiperler siiaqty mamandyqtardan qabyldanady. Jáne de merzimdi áskeri qyzmet ótken, kelisimshart boiynsha áskeri qyzmet, áskeri-tehnikalyq mektepteri men áskeri kafedrada daiyndyqtan ótken azamattar qabyldanady. Áskeri esepte turǵan jergilikti áskeri organdardan qandai qajetti qujattardy jinaýdy baryp biledi, sodan keiin meditsinalyq komissiiadan ótip, kelisimshart boiynsha áskeri qyzmetke qabyldaý talaptarymen alynatyn bolady», – deidi Qarýly kúshter Bas shtaby Uiymdastyrý-jumyldyrý departamentiniń aǵa-ofitseri, podpolkovnik Berik Keńesuly.
Onyń aitýynsha, Rezervtegi qyzmet merzimdi áskeri balama bolmaidy. Sebebi áskeri daiyndyqtan ótken azamattar qabyldanady. Jáne de densaýlyǵy jaqsy, áskeri mamandyǵy bar azamattar qabyldanady. Sonymen qatar, jiyndar men oqý-jattyǵýlarǵa qatysý úshin rezervtegiler elimizdiń basqa óńirlerine bara alady. Iaǵni áskeri jattyǵýlar basqa óńirlerde ótetin bolsa, qajetti bolǵan kezde basqa óńirlerden rezervter qatysý múmkindigi bolady.
«Aita ketetin bir jait, Rezervtegi qyzmet boiynsha kelisimshart jasaǵandar úshin qandai da bir jeńildikter qarastyrylǵan. Máselen, jumysy joq azamattarǵa qosymsha tabys alýǵa múmkindik beriledi. Qazaqstan Respýblikasy boiynsha eń tómengi tólemaqy tólenedi. Jáne jumysy bar azamattar jiyn ótkizý kezinde olardyń ortasha jalaqysy kóleminde jalaqy tólenedi. Qazirgi kezde bizben rezervtegi qyzmetti engizý máseleleri boiynsha zań jobasy ázirlendi. Zań jobasy Parlamentte qabyldanǵannan keiin rezervtegi qyzmetke azamattardy qabyldaý bastalady. Zań jobasy qoǵamdyq talqylaýǵa usynyldy. Ár azamat ashyq internet portalynda onymen tanysyp, jáne talqylaýǵa múmkindigi bar», – deidi Qarýly kúshter Bas shtaby Uiymdastyrý-jumyldyrý departamentiniń aǵa-ofitseri, podpolkovnik Berik Súleimenov.
Esterińizge sala keteiik, búgingi tańda Rezervtegi qyzmetti engizý máseleleri boiynsha zań jobasy ázirlendi. Zań jobasy Parlamentte qabyldanǵannan keiin rezervtegi qyzmetke azamattardy qabyldaý bastalady. Rezervtegi qyzmet memlekettiń qorǵanys qabiletin arttyrý úshin qajetti. Ol áskeri bólimderdiń óristetý merzimderin qysqartý jolymen jetiledi. Rezervtegi qyzmetke azamattar erkindik túrde qabyldanady.
