Túrkistan oblysynda karantindik sharalardy baqylaý jáne saqtaý, azamattar men túrli uiymdardyń, kásipkerlerdiń karantin rejimin buzýyn anyqtaý boiynsha qarqyndy jumystar júrgizilýde. Arnaiy mobildik toptar adamdar kóp shoǵyrlanatyn oryndarda turaqty reidtik sharalar men tekserý ótkizip jatyr, dep habarlaidy "Ult aqparat".
Oblystyq PD baspasóz qyzmetiniń málimetinshe, reidtik sharalar barysynda karantindik talaptardy saqtamaýdyń 472 oqiǵa tirkelgen.
Atap aitqanda, 15 turǵyn úilený toiy men otbasylyq jiyndardy uiymdastyrǵany úshin ákimshilik jaýapkershilikke tartylǵan. Máselen, Arys aýdanynda politseiler bir kún ishinde jergilikti turǵyndardyń otbasylyq jáne úilený toilaryn uiymdastyrýynyń 3 faktisin anyqtady. «Montaitas kentiniń turǵyny óz úiinde «qyz uzatý» is-sharasyn ótkizse, taǵy eki turǵyn «betashar» uiymdastyrǵan. Barlyq anyqtalǵan jaittar boiynsha materialdar QR Densaýlyq saqtaý ministrliginiń Arys qalasy taýarlar men qyzmetterdiń sapasy men qaýipsizdigin baqylaý komitetine jiberilgen» delingen habarlamada.
