Shymkentte bir qatar kásipkerlik nysannyń karantin erejelerin elemei jumys istegeni belgili boldy. Bul týraly "Ult aqparat" Politsiia departamentine silteme jasap habarlaidy.
24 shilde kúni saǵat 22:35 shamasynda Shymkent qalasy Politsiia departamenti Ál-Farabi aýdany Politsiia basqarmasy Shymkent qalasy Dýlati kóshesi №122 úide ornalasqan «Yqylas» kafesiniń jumys jasap jatqanyn anyqtaǵan.
Sondai-aq, Eńbekshi aýdany Politsiia basqarmasy jergilikti politsiia qyzmeti №38 ÝPP qyzmetkerlerimen reidttik shara júrgizý barysynda 24 shilde saǵat 22:00-de Shymkent qalasynyń Bas memlekettik sanitarlyq dárigeriniń №25 Qaýlysynda kórsetilgen talaptardy óreskel buzǵan Sairam kóshesiniń boiynda ornalasqan «KING HAÝS» ǵimaratyndaǵy kompiýterlik oiynhana jumys jasap turǵany anyqtaldy.
Reidtik shara barysynda dál osy Sairam kóshesi boiynda ornalasqan «Sultan» kafesiniń ishinde bir top azamattardyń tamaqtanyp otyrǵany anyqtaldy. Osyǵan bailanysty atalǵan zań buzýshylyqtar boiynsha jinaqtalǵan is-qujat Ál-Farabi jáne Eńbekshi aýdany Taýarlar men kórsetiletin qyzmetterdiń sapasy men qaýipsizdigin baqylaý basqarmalaryna joldandy.
