شىمكەنتتە بٸر قاتار كەسٸپكەرلٸك نىساننىڭ كارانتين ەرەجەلەرٸن ەلەمەي جۇمىس ٸستەگەنٸ بەلگٸلٸ بولدى. بۇل تۋرالى "ۇلت اقپارات" پوليتسييا دەپارتامەنتٸنە سٸلتەمە جاساپ حابارلايدى.
24 شٸلدە كٷنٸ ساعات 22:35 شاماسىندا شىمكەنت قالاسى پوليتسييا دەپارتامەنتٸ ەل-فارابي اۋدانى پوليتسييا باسقارماسى شىمكەنت قالاسى دۋلاتي كٶشەسٸ №122 ٷيدە ورنالاسقان «ىقىلاس» كافەسٸنٸڭ جۇمىس جاساپ جاتقانىن انىقتاعان.
سونداي-اق, ەڭبەكشٸ اۋدانى پوليتسييا باسقارماسى جەرگٸلٸكتٸ پوليتسييا قىزمەتٸ №38 ۋپپ قىزمەتكەرلەرٸمەن رەيدتتٸك شارا جٷرگٸزۋ بارىسىندا 24 شٸلدە ساعات 22:00-دە شىمكەنت قالاسىنىڭ باس مەملەكەتتٸك سانيتارلىق دەرٸگەرٸنٸڭ №25 قاۋلىسىندا كٶرسەتٸلگەن تالاپتاردى ٶرەسكەل بۇزعان سايرام كٶشەسٸنٸڭ بويىندا ورنالاسقان «كينگ حاۋس» عيماراتىنداعى كومپيۋتەرلٸك ويىنحانا جۇمىس جاساپ تۇرعانى انىقتالدى.
رەيدتٸك شارا بارىسىندا دەل وسى سايرام كٶشەسٸ بويىندا ورنالاسقان «سۇلتان» كافەسٸنٸڭ ٸشٸندە بٸر توپ ازاماتتاردىڭ تاماقتانىپ وتىرعانى انىقتالدى. وسىعان بايلانىستى اتالعان زاڭ بۇزۋشىلىقتار بويىنشا جيناقتالعان ٸس-قۇجات ەل-فارابي جەنە ەڭبەكشٸ اۋدانى تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ باسقارمالارىنا جولداندى.
