Elordanyń tártip saqshylary men ákimdik ókilderi elordadaǵy oiyn-saýyq mekemelerine saǵat keshki 20:00-den keiin birlesken reid júrgizdi. Bul týraly Nur-Sultan qalasynyń politsiia departamenti habarlady.
Tekseris qatań karantin sharalarynyń engizilgenine qaramastan, keibir mekeme ieleriniń Bas sanitarlyq dárigerdiń Qaýlysynyń talaptaryna mán bermei, jumysty jalǵastyryp júrgenin anyqtady.
Mysaly, Saýran kóshesinde ornalasqan dámhanany tekserý kezinde birqatar zańbuzýshylyqtar anyqtaldy. Bul jerge kelýshiler kalian shegip otyrǵan. Ol úshin dámhana ákimshisi, sondai-aq úsh kelýshi QR Ákimshilik quqyqbuzýshylyqtar týraly kodekstiń 441-baby (Qoǵamdyq oryndarda temeki buiymdary jáne elektrondy temeki shegý tyiymyn buzý) boiynsha ákimshilik jaýapqa tartyldy.
Qalanyń Qabanbai batyr kóshesinde ornalasqan kompiýter klýby da salǵan tyiymdy elemei, qyzmetin jalǵastyrǵan. Oǵan qosa, munda kelýshiler maska rejimin saqtamaǵany anyqtaldy.
Karantindi buzýdyń barlyq faktileri boiynsha materialdar Taýarlar men kórsetilgen qyzmetterdiń sapasy men qaýipsizdigin baqylaý departamentine jiberildi.
