Aýǵanstanmen shekara mańynda shoǵyrlanǵan ózbek lageriniń spýtnikten túsirilgen kórinisi. Tamyz aiy, 2021 jyl.
Ózbekstandy ýaqytsha panalap jatqan aýǵan ushqyshtary ózderin Aýǵanstanǵa keri qaitarady ma dep qaýiptenedi. Reuters AQSh alyp ketedi dep úsh apta boiy kútip jatqan ushqyshtar jaiynda ekskliýzivti material ázirlegen, dep jazady Azattyq.
Tamyz aiynda "Taliban" qozǵalysy Mazari-Sharif qalasyn basyp alǵannan keiin, aýǵan ushqyshtary Ózbekstanǵa qashqan. Olarmen Reuters jýrnalisi telefon arqyly sóilesti.
"Eger bizdi keri qaitarsa, olar bizdi óltiredi" degen ushqyshtyń biri ózderin qazir tutqynda otyrǵandai sezinip júrgenin aitty. Ushqyshtyń sózinshe, lagerde shamamen 465 adam bar.
AQSh-tyń Ózbekstandaǵy burynǵy elshisi Djon Horbstyń oiynsha, resmi Tashkent rasynda "Talibannan" qysym kórip jatyr. Sebebi, olardyń deni AQSh-ta arnaiy áskeri jattyǵýdan ótip kelgen.
"Resmi Tashkent táliptermen jaqsy qarym-qatynasta bolǵysy keledi" dedi Horbst.
AQSh memlekettik departamentiniń ókili qazir Ózbekstanmen kelissóz júrip jatqanyn jetkizdi. Al Ózbekstan úkimeti Reuters saýaldaryna jaýap bermegen.
Ushqyshtyń sózinshe, lagerde ózderinen basqa Aýǵanstannyń qaýipsizdik qyzmetiniń ókilderi men qorǵanys tehnikalary bar. Olardyń birazy otbasyn úshinshi elge jiberip úlgergen. Biraq kóbi sol Aýǵanstanda qalyp qoiǵan.
