اۋعانستانمەن شەكارا ماڭىندا شوعىرلانعان ٶزبەك لاگەرٸنٸڭ سپۋتنيكتەن تٷسٸرٸلگەن كٶرٸنٸسٸ. تامىز ايى, 2021 جىل.
ٶزبەكستاندى ۋاقىتشا پانالاپ جاتقان اۋعان ۇشقىشتارى ٶزدەرٸن اۋعانستانعا كەرٸ قايتارادى ما دەپ قاۋٸپتەنەدٸ. Reuters اقش الىپ كەتەدٸ دەپ ٷش اپتا بويى كٷتٸپ جاتقان ۇشقىشتار جايىندا ەكسكليۋزيۆتٸ ماتەريال ەزٸرلەگەن, دەپ جازادى ازاتتىق.
تامىز ايىندا "تاليبان" قوزعالىسى مازاري-شاريف قالاسىن باسىپ العاننان كەيٸن, اۋعان ۇشقىشتارى ٶزبەكستانعا قاشقان. ولارمەن Reuters جۋرناليسٸ تەلەفون ارقىلى سٶيلەستٸ.
"ەگەر بٸزدٸ كەرٸ قايتارسا, ولار بٸزدٸ ٶلتٸرەدٸ" دەگەن ۇشقىشتىڭ بٸرٸ ٶزدەرٸن قازٸر تۇتقىندا وتىرعانداي سەزٸنٸپ جٷرگەنٸن ايتتى. ۇشقىشتىڭ سٶزٸنشە, لاگەردە شامامەن 465 ادام بار.
اقش-تىڭ ٶزبەكستانداعى بۇرىنعى ەلشٸسٸ دجون حوربستىڭ ويىنشا, رەسمي تاشكەنت راسىندا "تاليباننان" قىسىم كٶرٸپ جاتىر. سەبەبٸ, ولاردىڭ دەنٸ اقش-تا ارنايى ەسكەري جاتتىعۋدان ٶتٸپ كەلگەن.
"رەسمي تاشكەنت تەلٸپتەرمەن جاقسى قارىم-قاتىناستا بولعىسى كەلەدٸ" دەدٸ حوربست.
اقش مەملەكەتتٸك دەپارتامەنتٸنٸڭ ٶكٸلٸ قازٸر ٶزبەكستانمەن كەلٸسسٶز جٷرٸپ جاتقانىن جەتكٸزدٸ. ال ٶزبەكستان ٷكٸمەتٸ Reuters ساۋالدارىنا جاۋاپ بەرمەگەن.
ۇشقىشتىڭ سٶزٸنشە, لاگەردە ٶزدەرٸنەن باسقا اۋعانستاننىڭ قاۋٸپسٸزدٸك قىزمەتٸنٸڭ ٶكٸلدەرٸ مەن قورعانىس تەحنيكالارى بار. ولاردىڭ بٸرازى وتباسىن ٷشٸنشٸ ەلگە جٸبەرٸپ ٷلگەرگەن. بٸراق كٶبٸ سول اۋعانستاندا قالىپ قويعان.
