2 tamyzda tańerteń Soltústik Koreia taǵy zymyran ushyrdy. Bul týraly juma kúni derekkózge silteme jasaǵan Reuters habarlady.
Derekkózdiń habarlaýynsha, bul Qurama Shtattar úshin qaýipti emes.
31 shildede Ońtústik Koreia bir aptanyń ishinde Pheniannyń ekinshi ret qysqa qashyqtyqtaǵy ballistikalyq zymyran ushyrǵanyn habarlaǵan. Seýl Pheniannyń jańa áskeri qarýyn synaqtan ótkizip jatqanyn aitady.
Seýl Pheniandy ballistikalyq zymyrandardan bas tartýǵa shaqyryp keledi. Ońtústik Koreia biligi zymyran synaǵy Korei túbegindegi shielenisti azaitýǵa septese almaidy dep sanaidy. Soltústik Koreia ótken jolǵy zymyran ushyrý kórshi elge AQSh-pen áskeri saladaǵy yntymaqtastyǵy úshin jasalǵan eskertý dep málimdegen. Al Vashington tamyzda josparlanǵan Ońtústik Koreiamen birlesken áskeri jattyǵýy josparǵa sai ótetinin málimdegen.
