Respýblikalyq joldardyń ár 40-50 shaqyrymyna videokamerasy men jyldamdyq ólshegishi bar arkalar ornatylady. Bul týraly «Qazavtojol» ulttyq kompaniiasy basqarma tóraǵasynyń orynbasary Talǵat Smaǵulov málim etti, dep habarlaidy QazAqparat.
«Biz investitsiialyq konkýrs aiasynda respýblika boiynsha 11 myń shaqyrym jolǵa aqyly júie engizemiz. Bul rette intellektýaldyq-kóliktik júiege basymdyq beriledi. Iaǵni joldyń bul ýchaskeleri kameralarmen, skorostemermen jabdyqtalady. Sonymen qatar aldaǵy ýaqytta uzyn joldardaǵy jaiaý júrginshiler ótetin bólikti jaryqtandyramyz», - dedi Talǵat Smaǵulov kompaniianyń Instagram paraqshasynda suraqtarǵa jaýap bere otyryp.
Onyń aitýynsha, Nur-Sultan – Shýchinsk arasyndaǵy jolǵa arka ornatylǵan. Ol jerde videokamera bar.
«Bizdiń málimetterimiz boiynsha dál sol jerde jol erejesin buzýdyń 8 myń faktisi tirkelgen. Onyń ishinde 39 jaǵdaida júrgizýshiler jyldamdyqty saǵatyna 200 shaqyrymnan asyrǵan. Aldaǵy ýaqytta men ataǵan 11 myń shaqyrym joldyń ár 40-50 shaqyrymynda arkalar ornatylady. Dál sol jerde videokameralar men jyldamdyq ólshegishter qoiylady», - dedi ol.
