QazAvtoJol kompaniiasy respýblikalyq mańyzy bar avtojoldardyń boiynda ornalasatyn servistik nysandardyń tiptik jobasyn bekitti, dep habarlaidy "Ult aqparat".
«QazAvtoJol kompaniiasy jol boiyndaǵy servis nysanyn salýdyń tiptik jobasyn, naqtyraq aitqanda osy jobanyń «A» sanatyn bekitti. Bul jobamen QazAvtoJol saitynan tanysa alasyz. «A» sanatynan bólek «B», «C», «D» sanatyndaǵy nysandardyń jobasy bar», - dedi Rústem Isaev «QazAvtoJol» komnaniiasynyń Instagram-paraqshasynda tikelei efirde sóilegen sózinde.
Rústem Isaev jol boiyndaǵy nysandardyń bulai bólinýiniń mánin túsindirdi.
«Jol boiyndaǵy servis nysandary tórt sanatqa bólinedi. «A» sanatyna jatatyndar – eń aýqymdy ári kópfýnktsionaldy keshen. Ol sanattaǵy keshende janar-jaǵarmai beketi, dámhana, bólshektik saýda pýnkti, aqyly turaq pen oiyn-saýyq ortalyǵy bolady.
«B» sanatyna jatatyn servister – odan sál kishirek, alaida ol da kópfýnktsionaldy keshen.
«C» sanaty degenimiz – dámhanasy bar.
Al «D» sanaty barlar – janar-jaǵarmai beketi bar servis», - dedi ol.
