Biylǵy «Jastar jylyna» orai «Mádeniet portaly» «Altyn qazyna» QB-men birlesip qalamgerler arasynda respýblikalyq «Semser» ádebi baiqaýyn jariialaǵan bolatyn. Baiqaý erejesine sáikes onlain túrde ótken báigege elimizdiń túkpir-túkpirinen 300-den astam shyǵarma túsken. Solardyń ishinen 220-dan astam jas qalamgerdiń shyǵarmalary talapqa sai dep tanylyp, portalda jariialanǵan.
Baiqaý ádebi ortada úlken rezonas týdyryp, 45 jasqa deiingi qalamgerler arasynan ózindik stilin qalyptastyrǵan, óz oqyrmany bar tanymal aqyn-jazýshylarmen qosa, ádebiet aidynyna endi qanat qaqqan jas talanttar da baqtaryn synady. Oqyrmannyń úzdiksiz júrgen onlain-daýystary eskerile otyryp, qazylar alqasynyń sheshimimen júzden júirik shyqqandar marapattaldy. Arasynda jańa esimder de kórinip jatty.
Konkýrstyń Bas demeýshisi jyl saiyn elimizdiń rýhani ómirin damytýǵa ólsheýsiz úles qosyp, ádebi-mádeni sharalarǵa demeýshilik jasap kele jatqan, tabiǵi resýrstardy óndirý, energetika, logistika jáne marketing salalarynda álemdegi eń iri kompaniialardyń biri - Eurasian Resources Group (ERG) kompaniiasy.
Saltanatty keshke jazýshy-oishyl, belgili ǵalym, akademik Ǵarifolla Esim, Halyqaralyq sport jýrnalisteri qaýymdastyǵynyń laýreaty, jazýshy Nesip Júnisbaev, aqyn Suraǵan Rahmetuly, jazýshy Joltai Jumat-Álmashuly, ádebiet synshysy Amangeldi Keńshilikuly, aqyn, Qazaqstan Jazýshylar Odaǵynyń Nur-Sultan qalalyq filialynyń direktory Dáýletkerei Kápuly, aqyn Baýyrjan Qaraǵyzuly t.b. laýazymdy tulǵalar qatysty.
Úzdik proza, Úzdik poeziia, Úzdik ádebi syn atalymdary boiynsha marapattalǵan jeńimpazdarǵa, belgili qalamger, Qazaqstan Respýblikasy Memlekettik syilyǵynyń laýreaty Aldan Smaiyl bastaǵan qazylar alqasynyń sheshimimen Bas júlde - 1 000 000 teńge, ár atalymnyń jeńimpazdaryna 500 000 teńge, Altyn tósbelgi taǵylyp, «SEMSER» ádebi syilyǵynyń laýreaty degen ataq berildi.
Qazylar alqasynyń sheshimi boiynsha:
Gran-Pri - Aqberen Elgezek,
Úzdik proza - Nurlan Havdai,
Úzdik proza - Qanat Tileýhan,
Úzdik poeziia - Marlen Málikuly
Úzdik poeziia - Qýanysh Ospan
Úzdik syn - Ainur Naimanbai
Úzdik syn - Baǵashar Tursynbai
Maǵjan Jumabaev atyndaǵy arnaiy júlde - Oljas Qasym
Saǵat Áshimbaev atyndaǵy arnaiy júlde - Tursynbek Bashar
Sattar Erýbaev atyndaǵy arnaiy julde - Miras Muqash ielendi.
