Respýblikalyq biýdjet shyǵyndarynyń 45 protsenti áleýmettik salaǵa baǵyttalady, dep habarlaidy QazAqparat.
Bul týraly Qazaqstan Respýblikasynyń Prezidenti, «Nur Otan» partiiasynyń Tóraǵasy Nursultan Nazarbaev "Nur Otan" partiiasynyń kezekti XVIII sezinde málimdedi.
«Biyl respýblikalyq biýdjet shyǵyndarynyń 45 protsenti áleýmettik salaǵa baǵyttalady. Áleýmettik bólimde birqatar túitkildi máselelerdiń bar ekeni anyqtaldy. Osyǵan bailanysty, azamattarymyzdyń ál-aýqaty men ómir sapasyn jaqsartý úshin Ulttyq qordan qarajat bólý týraly sheshim qabyldadym. Úkimet bul shyǵyndardy durys ákimshiliktendirýi kerek», - dedi Prezident.
Aita keteiik, Elordadaǵy Táýelsizdik saraiynda Elbasy Nursultan Nazarbaevtyń tóraǵalyǵymen "Nur Otan" partiiasynyń kezekti XVIII sezi ótip jatyr.
Sezd «Nur Otan» partiiasynyń 20 jyldyǵyna orai uiymdastyrylyp otyr. Onda birneshe máseleni qarastyrý kózdelgen.
Eń aldymen «Nur Otan» partiiasynyń 2030 jylǵa deiingi baǵdarlamasy týraly másele qozǵalady. Odan keiin partiianyń Jarǵysyna ózgerister men tolyqtyrýlar qarastyrylyp, partiia Saiasi keńesiniń jəne Ortalyq baqylaý-tekserý komissiiasynyń esepti kezeń boiynsha jumysynyń qorytyndylary shyǵarylady. Sonymen qatar partiia Saiasi keńesiniń jəne Ortalyq baqylaý-tekserý komissiiasynyń músheleri sailanatyn bolady.
Sezd jumysyna 2 myńǵa jýyq adam qatysýda. Olardyń 1200-i - elimizdiń barlyq óńirlerinen kelgen delegattar, al qalǵan 800-ge jýyǵy - qonaqtar.
