Foto: Aqorda
Qasym-Jomart Toqaev ulyq mereke – Respýblika kúnine arnalǵan Memlekettik tý kóterý saltanatty rásimine qatysty. Is-shara «Aqorda» rezidentsiiasynyń aldynda ótti, dep habarlaidy Aqorda.
Qurmet qaraýylynyń bastyǵy Prezidentke raport berdi. Budan keiin Qasym-Jomart Toqaevtyń buiryǵymen Memlekettik tý kóterilip, Ánuranymyz shyrqaldy.
Barshaǵa belgili, Memleket basshysy Respýblika kúnine orai ótken saltanatty jiynda sóilegen sózinde elimizdiń Egemendigi týraly deklaratsiia qabyldanǵan bul kúndi qasietti Táýelsizdigimizdiń bastaýy dep baǵa bergen bolatyn.
Ulttyq merekeni Respýblika boiynsha resmi túrde atap ótý osy saltanatty sharadan bastaldy. Sonymen qatar Qazaqstannyń barlyq óńirinde Memlekettik tý kóterý rásimi ótedi.
