Foto: Aqordanyń baspasóz qyzmeti
Elimizdiń damyp, órkendeýine eleýli eńbegi sińgen bir top azamat, sonyń ishinde Almaty qalasyndaǵy «Baldáýren» balalardy ońaltý ortalyǵy» KMK direktory Sh.Abesov, «Astana» halyqaralyq qarjy ortalyǵynyń basqarýshysy R.Bekturov, Astana qalalyq Jas kórermender teatrynyń aktrisasy S.Esliamova, skripkashy J.Serkebaeva, Qosshy qalasyndaǵy mektep-gimnaziianyń direktory D.Asqarova «Qurmet» ordenimen marapattaldy, dep habarlaidy «Ult aqparat» Aqordaǵa silteme jasap.
Budan bólek, ónerkásip, transport, qurylys, aýyl sharýashylyǵy jáne basqa da óndiris salalarynyń jumysshylary men eńbekkerleri II jáne III dárejeli «Eńbek dańqy» ordenin ielendi. «Qazaqstannyń eńbek sińirgen qairatkeri» qurmetti ataǵy ǵylym jáne mádeniettiń kórnekti ókilderine tabystaldy.
Qazaq ádebietiniń kórnekti ókilderi, aqyn-jazýshylar T.Medetbek, V.Mihailov jáne I.Saparbai «Qazaqstannyń halyq jazýshysy» ataǵyna ie boldy.
«Qazaqstannyń halyq ártisi» qurmetti ataǵy elimizdiń kórnekti mádeniet qairatkerleri: teatr jáne kino akterleri K.Jumabekovke, L.Kádenge, O.Korjevaǵa, I.Lebsakqa, R.Mahpirovaǵa, G.Shyntemirge jáne Á.Ydyryshevaǵa, opera ánshileri M.Muhamedqyzy men J.Baspaqovaǵa, dirijer A.Muhitdinov pen kúishi S.Turysbekke, sondai-aq belgili ánshi M.Iliiasovaǵa berildi.
Sonymen qatar biyldan bastap qurmetti ataqtar qataryna «Qazaqstannyń eńbek sińirgen dárigeri» ataǵy qosyldy:
«Ulttyq ǵylymi meditsinalyq ortalyǵy» aktsionerlik qoǵamynyń bas direktory A.Baigenjin, «Ulttyq ǵylymi onkologiia ortalyǵy» jaýapkershiligi shekteýli seriktestigi gematologiia ortalyǵynyń basshysy V.Kemaikin jáne Qaraǵandy oblystyq klinikalyq aýrýhanasynyń dárigeri B.Tshai jańa qurmetti ataqtyń alǵashqy iegerleri atandy.
