Respýblika halqynyń 12,8 paiyzy daýys berdi. Bul týraly búgin QR Ortalyq sailaý komissiiasynyń múshesi Aqylbek Ihdanov aitty, dep habarlaidy "Ult aqparat".
"Oblystardyń, respýblikalyq mańyz bar qalalardyń sailaý komissiialary usynǵan málimetterge sáikes, 2019 jylǵy 9 maýsym 10-00-degi jaǵdai boiynsha tizimge engizilgen sailaýshylardyń 12,8 paiyzy sailaý biýlletenderin aldy. Olardyń ishinde: Aqmola oblysy boiynsha 20,5, Aqtóbe oblysy boiynsha 16, Almaty oblysy boiynsha 17,7, Atyraý oblysy boiynsha 8,5, Shyǵys Qazaqstan oblysy boiynsha 15,5, Jambyl oblysy boiynsha 16,5, Batys Qazaqstan oblysy boiynsha 7,4, Qaraǵandy oblysy boiynsha 10,1, Qyzylord oblysy boiynsha 11,1, Qostanai oblysy boiynsha 12,8, Mańǵystaý oblysy boiynsha 9,7, Pavlodar oblysy boiynsha 11,4, Soltústik Qazaqstan oblysy boiynsha 14,2, Túrkistan oblysy boiynsha 14,5, Nur-Sultan qalasy boiynsha 10,3, Almaty qalasy boiynsha 4,1, Shymkent qalasy boiynsha 11,9 paiyz", - dedi Aqylbek Ihdanov.
Sailaý ýchaskeleri jergilikti ýaqytpen tańǵy 07:00-de jumysyn bastady. Daýys berý keshki 20:00-ge deiin jalǵasady.
Aita ketsek, 2015 jyly 26 sáýirde ótken prezident sailaýynda saǵat 10:00 kezindegi jaǵdai boiynsha sailaý biýlletenin tizimdegi sailaýshylardyń 19,17%-i alǵan.
Ortalyq sailaý komissiiasy tańǵy saǵat 08:00-de sailaý ýchaskeleri elimizdiń barlyq óńirinde ashylǵanyn habarlady. Olardyń jalpy sany 9920. Onyń ishinde 15 shet memlekette 17 sailaý ýchaskesi jumysyn bastaǵan. Ýaqyt beldeýine bailanysty Qazaqstannyń bes óńirinde – Aqtóbe, Atyraý, Batys Qazaqstan, Mańǵystaý jáne Qyzylorda oblystarynda sailaý ýchaskeleri elorda ýaqytymen 08:00-de ashyldy.
Tizimge engizilgen sailaýshylar sany 11 million 947 myń 995 adamdy qurap otyr.
