Respýblika boiynsha infektsiialyq tósek-oryndarmen qamtylý 41 paiyzdy quraidy. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy "Ult aqparat".
«Óńirler bólinisinde kúndelikti tósek-oryndarmen qamtý monitoringine sáikes, osy jylǵy 21 sáýirdegi jaǵdai boiynsha respýblikada infektsiialyq tósek-oryndarmen qamtylý – 41 paiyzdy, reanimatsiialyq tósek-oryndarmen qamtylý 28 paiyzdy quraidy», - dedi vitse-ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, infektsiialyq tósek-oryndardyń eń kóp qamtylýy Batys Qazaqstan jáne Almaty oblystarynda - 58 paiyz jáne Almaty qalasynda 55 paiyz bolyp otyr.
«Reanimatsiialyq tósek-oryndardyń eń kóp qamtylýy Almaty qalasynda – 56 jáne Nur-Sultan qalasynda – 58 paiyz», - dedi Erlan Qiiasov.
