Foto: Facebook/Aidarbek Khojanazarov
Respublica partiiasy resmi túrde tirkeýden ótti. Bul týraly partiia jetekshileriniń biri Aidarbek Hodjanazarov málimdedi, - dep habarlaidy "Ult aqparat".
"Dostar, súiinshi! Bizdiń resmi ókilimiz Astana qalasyndaǵy HQKO-ń birinde Respublica partiiasynyń tirkeý qujattaryn qolyna aldy. Endi biz - elimizdiń jańa, resmi tirkelgen saiasi kúshimiz! Bul uzaq aptalar men ailap kútken jáne birneshe ret tirkeýge jiberilmegen sátsizdikterden keiingi - ortaq jeńisimiz! Alaida bul synaqtar bizdi tek qana kúsheitti.⠀
Partiianyń teń tóraǵalary - Syrymbek Taý, Rýslan Berdenov, Maksim Baryshev, Dinara Shýkijanova, Qýanysh Shonbai, Beibit Álibekov jáne Nurlan Qoianbaevty elimizge oń ózgerister ákeler jolyndaǵy alǵashqy jeńisimen shyn nietpen quttyqtaimyn!
Partiianyń barlyq múshesin, osy ýaqyttan beri bizge senim artyp, zor qoldaý bildirgen barlyq adamdy mańyzdy bastamamen quttyqtaimyn jáne senimderińiz ben úkilegen úmitterińizdi aqtaýǵa jumyla kirisemiz degim keledi.
Búginnen bastap biz partiianyń qyzmetin elimizdiń árbir óńirinde tolyq kólemde, resmi túrde júrgizýge quqylymyz. Bolashaq bizdiń qolymyzda, aǵaiyn! Alǵa, Otandastarym! Alǵa, Respublica!" - dep jazdy ol Facebook paraqshasynda.
Eske salaiyq, ótken jyldyń jeltoqsan aiynda Ádilet ministrligi Respublica partiiasy tirkelgeni týraly aqparatty joqqa shyǵarǵan edi.
