© Sputnik / Bolat Shaihinov
Eńbek jáne halyqty áleýmettik qorǵaý ministri Tamara Dúisenova kórshi eldegi mobilizatsiiaǵa bailanysty Qaaqstanǵa kelip jatqan reseilikterdi jumysqa ornalastyrýǵa qatysty túsinikteme berdi, dep habarlaidy Sputnik Qazaqstan.
Ministrdiń aitýynsha, EAEO týraly shartqa sáikes, qazaqstandyqtar men reseilikter eki el arasynda esh kedergisiz júrip, ruqsatsyz jumys istei alady.
"Biraq sharttyń 97-babynda eger bul qandai da bir eldiń ulttyq qaýipsizdigine áser etse, sol memleket shekteý qoiýǵa quqyly ekeni aitylǵan. Keshe men 6 508 adam Qazaqstanda jumys isteýge niet bildirgenin aittym, al búgin olardyń sany – 5 300, iaǵni 1 200 adamǵa azaiyp otyr. Bul san kún saiyn ózgeredi", - dedi Dúisenova Májilis kýlýarynda.
Eńbek ministrligi sheteldik jumysshylar sany boljamdy shekten asqanda shekteý engizýdi kózdep otyr.
"Mysaly biz sheteldik azamattardy shaqyrǵanda, biz "myna jerde 97% qazaqstandyqtar jáne 3% sheteldikter jumys isteýi kerek" dep aitamyz. Dál solai 99% - qazaqstandyqtar jáne bir paiyz EAEO azamattary dep aita alamyz. Qazir bizde 8,7 million azamat jumys isteidi, eger olardyń 90 paiyzy Resei azamattary bolsa, olardy jumysqa qabyldaý dereý toqtatylady", - dedi Dúisenova.
