Májilis depýtaty Aibek Paiaev zańdy buzǵan sheteldik azamattardy birden deportatsiiaǵa jiberý kerektigin málim etti, dep habarlaidy Ulysmedia.kz.
«Qaýipsizdikke bailanysty kóp suraq týyndap jatyr. Feisbýk paraqshasynda men ony oqydym. Qostanai oblysyndaǵy Ulttyq qaýipsizdik komitetiniń departamenti shekarany zańsyz asqandardy ustapty. Jumys júrip jatyr. Ol kisilerge úlken rahmet! Ulttyq qaýipsizdik komitetiniń qyzmetkerlerine! Biz halyq bolyp kómekteseiik. Eger bizge zańsyz kirip, zańsyz úidi arendaǵa alyp, zańsyz is-áreketter jasasa, halyq bolyp qadaǵalaiyq. Zańsyz is-áreket bolǵan jaǵdaida, Ata zańdy, basqa da zańdy buzǵan jaǵdaida – deportatsiia jasaý kerek. Basqa áńgime joq», - dedi Aibek Paiaev Májilis kýlýarynda.
Onyń aitýynsha, Úkimet qazir jumysty rettep otyr. Iaǵni Parlamentke atalǵan máseleni shyǵarýdyń qajeti joq degen pikirde depýtat.
«Quqyq qorǵaý organdary 24 saǵattyq jumys rejimine ótkendikten, biz problema kórip otyrǵan joqpyz. Mindetti túrde bul másele qadaǵalaýda bolý kerek. Halyqpeng kelisemin. Aitylyp jatqan áńgime durys. Memlekettiń múddesi men qaýipsizdigi joǵary deńgeidegi jumystar. Ony uiymdastyryp, jasap otyrmyz. Tarihqa kóz jibersek, ekinshi dúniejúzilik soǵys kezinde de qanshama halyq kóship keldi. Qonaqjai halyqpyz. Qonaqjailyǵymyzdy syilap, qurmetteý kerek. Syilamaǵan jaǵdaida deportatsiia bolý kerek», - dedi depýtat.
Aita ketsek, Resei prezidenti Vladimir Pýtin óz elinde mobilizatsiia jariialaǵaly beri Qazaqstanǵa 98 myń reseilik kelgen.
