Foto: Joǵarǵy sot
Kseniia Sobchak áieli Saltanat Núkenovany óltirdi dep aiyptalǵan eks-ministr Qýandyq Bishimbaevtyń isi boiynsha Astanadaǵy sot otyrysyna qatysty. Sobchaktyń aitýynsha, áriptes jýrnalister onyń ustanymyn qate baǵalaǵan, dep habarlaidy «Ult aqparat» inbusiness.kz-ke silteme jasap.
"Qazaqstandyq jáne reseilik BAQ eks-ministr Bishimbaevtyń sotyndaǵy basym pozitsiiaǵa ie bolǵanym týraly jaza bastady, Men qorǵaý tarapynyń janynda, al qalǵan jýrnalister turyp turdy dedi. Dostar, biz bul taqyrypty kópten beri zerttep kelemiz, kún saiyn Saltanattyń ólimi týraly jazamyz”, – dedi Kseniia Sobchak.
Ol, sondai-aq, bul protsesti eshkimge qatysy joq táýelsiz jýrnalist retinde jariialap jatqanyn atap ótti. Sózinshe, onyń komandasy bul týraly úlken oqiǵa túsirip jatyr.
"Bizdi sotqa qorǵaý nemese aiyptaý tarapy shaqyrǵan joq, men Joǵarǵy sot arqyly akkreditatsiiadan óttim, bizdi qaida otyrǵyzdy, sol jerge jaiǵastyq. Búgin shynymen de tańdanarlyqtai otyrys boldy. Bul týraly sál keiinirek aitamyz", – dep jazdy reseilik jýrnalist.
Eske salsaq, 22 sáýirdegi Bishimbaev isi boiynsha sot otyrysyna reseilik jýrnalist Kseniia Sobchak kelgeni habarlandy.
Buǵan deiin burynǵy ulttyq ekonomika ministri Qýandyq Bishimbaev áieli Saltanat Núkenovany óltirdi degen kúdikpen ustalǵan. Keiinnen qylmysty jasyrdy degen aiyppen Saltanat Núkenova kóz jumǵan meiramhananyń direktory da tutqyndaldy. Qazir olardyń sot otyrysy ashyq túrde ótip jatyr.
Sondai-aq eks-ministr Qýandyq Bishimbaevqa Qylmystyq kodekstiń 110-baby 2-bóligi ("Azaptaý"), Qylmystyq kodekstiń 99-baby 2-bóligi 5-tarmaǵy ("Asa qatygezdikpen adam óltirý") boiynsha jańa aiyptar taǵylǵan edi. Al onyń týysy Baqytjan Baijanov qylmysty jasyrǵany jáne habarlamaǵany úshin aiyptalǵan.
