Qazaqstanǵa ses kórsetken reseilik rejisser, telejúrgizýshi Tigran Keosaian qandai da bir shekteýlerge qaramastan, Qazaqstanǵa keletinin málimdedi, dep habarlaidy Ulysmedia.kz.
Keosaiannyń málimdemesi Gazeta.Ru aqparattyq saitynda jariialandy. Onda reseilik rejisser Qazaqstan biliginiń shekteýine bas qatyrmaitynyn, túbi eshqandai shekteýge qaramastan keletinin aitqan.
"Bul kúlkili. Men jýrnalist retinde olardyń álsiz tusyn tyrnap ótken siiaqtymyn. Biraq men túbi ózimniń keńestik Qazaqstanyma kelemin. Taǵy da qaitalaimyn, týyp-ósken Qazaqstanǵa báribir kelemin. Oǵan bilikten ruqsat ta suramaimyn", — deidi ol.
Esterińizge sala keteiik, buǵan deiin reseilik telejúrgizýshi Tigran Keosaian Qazaqstanǵa ses kórsete sóilegen videosy taraǵan edi. Ol "Ýkrainaǵa qarap, jaqsylap oilanyńdar, oń-soldaryńdy durystap tanyńdar" degen maǵynada ún qatqan bolatyn.
Sondai-aq ol Qazaqstanda 9 mamyrda ótetin áskeri sherýdińń toqtatylýyna kóńili tolmaitynyn aityp, Reseidiń "jaýapty tulǵalary" "qarym-qatynas deńgeiin qaita qaraýy kerek" ekendigin málimdegen edi.
