Foto: RIA Novosti
Reseilik jýrnalist ári bloger Maikl Naki Iýrii Dýdke bergen suhbatynda reseilik rejissior jáne telejúrgizýshi Tigran Keosaiannyń ólimine qatysty pikir bildirip, onyń qazasyn qazaqstandyqtar qalai qabyldaǵanyn aitty, dep habarlaidy Ult.kz.
«Aitpaqshy, maǵan kúlkili kórindi — osy videonynyń astyndaǵy pikirlerdi qarap otyryp, Keosaiandy qazaqstandyqtardan artyq jek kóretin eshkim joq ekenin baiqadym. Pikirlerdiń basym bóligi qazaqstandyqtardan», — dedi Naki.
Suhbat barysynda ol soǵysty nasihattaityn nemese soǵan qatysy bar adamdardyń ólimine ashyq túrde qýaný oryndy dep esepteitinin málimdedi. Keosaian týraly aita kele, Naki bylai dedi:
«Men buǵan shyn júrekten qýandym. Bul ońbaǵandardyń múrdelerin ashyq ári sanaly túrde mazaq etý kerek dep esepteimin», — dedi ol.
Blogerdiń aitýynsha, ol kez kelgen adam ólimi — mindetti túrde tragediia degen pikirmen kelispeidi:
«Adam ólimi árdaiym jaman degen túsinik bar. Bul — durys emes. Onyń bári qandai adamnyń ólgenine bailanysty», — dedi Naki.
Sondai-aq ol Keosaiannyń Qazaqstan týraly aitqan sózderin esine alyp bylai dedi:
«Eger ol saýyǵyp ketse, ol ári qarai da efirlerge shyǵyp, Qazaqstanǵa qalai basyp kirý kerektigin aityp júrer edi», — dedi Naki.
