فوتو: ريا نوۆوستي
رەسەيلٸك جۋرناليست ەرٸ بلوگەر مايكل ناكي يۋريي دۋدكە بەرگەن سۇحباتىندا رەسەيلٸك رەجيسسيور جەنە تەلەجٷرگٸزۋشٸ تيگران كەوساياننىڭ ٶلٸمٸنە قاتىستى پٸكٸر بٸلدٸرٸپ, ونىڭ قازاسىن قازاقستاندىقتار قالاي قابىلداعانىن ايتتى, دەپ حابارلايدى Ult.kz.
«ايتپاقشى, ماعان كٷلكٸلٸ كٶرٸندٸ — وسى ۆيدەونىنىڭ استىنداعى پٸكٸرلەردٸ قاراپ وتىرىپ, كەوساياندى قازاقستاندىقتاردان ارتىق جەك كٶرەتٸن ەشكٸم جوق ەكەنٸن بايقادىم. پٸكٸرلەردٸڭ باسىم بٶلٸگٸ قازاقستاندىقتاردان», — دەدٸ ناكي.
سۇحبات بارىسىندا ول سوعىستى ناسيحاتتايتىن نەمەسە سوعان قاتىسى بار ادامداردىڭ ٶلٸمٸنە اشىق تٷردە قۋانۋ ورىندى دەپ ەسەپتەيتٸنٸن مەلٸمدەدٸ. كەوسايان تۋرالى ايتا كەلە, ناكي بىلاي دەدٸ:
«مەن بۇعان شىن جٷرەكتەن قۋاندىم. بۇل وڭباعانداردىڭ مٷردەلەرٸن اشىق ەرٸ سانالى تٷردە مازاق ەتۋ كەرەك دەپ ەسەپتەيمٸن», — دەدٸ ول.
بلوگەردٸڭ ايتۋىنشا, ول كەز كەلگەن ادام ٶلٸمٸ — مٸندەتتٸ تٷردە تراگەدييا دەگەن پٸكٸرمەن كەلٸسپەيدٸ:
«ادام ٶلٸمٸ ەردايىم جامان دەگەن تٷسٸنٸك بار. بۇل — دۇرىس ەمەس. ونىڭ بەرٸ قانداي ادامنىڭ ٶلگەنٸنە بايلانىستى», — دەدٸ ناكي.
سونداي-اق ول كەوساياننىڭ قازاقستان تۋرالى ايتقان سٶزدەرٸن ەسٸنە الىپ بىلاي دەدٸ:
«ەگەر ول ساۋىعىپ كەتسە, ول ەرٸ قاراي دا ەفيرلەرگە شىعىپ, قازاقستانعا قالاي باسىپ كٸرۋ كەرەكتٸگٸن ايتىپ جٷرەر ەدٸ», — دەدٸ ناكي.
