– 2016 jyldyń jeltoqsan aiynan bastap Reseilik «Iamal» áýekompaniiasy Qazaqstan, Tájikstan jáne Ózbekstanǵa turaqty reisterdi júzege asyrady. Bul týraly kompaniia basshysy Vasilii Kriýk TASS aqparat agenttigine málimdegen.
“Biz ushý aýmaǵyn keńeitemiz, jańa baǵyttardy iske qosamyz. Jeltoqsan aiynan bastap ushaqtar Máskeý janyndaǵy Jýkovskii áýejaiynan ushatyn bolady. Biz konservativti kompaniiamyz, birtindep damityn bolamyz. Jýkovskiiden ushqan ushaqtar Qazaqstan, Ózbekstanǵa qatynaidy. Odan ári Izrailge, sodan soń Eýropaǵa jol ashamyz”, – dedi Kriýk.
Bas direktordyń sózinshe, qazirgi ýaqytta sońǵy kelissózder júrgizilip jatyr. Al buǵan deiin Tájikstan biligi Jýkovskii áýejaiynan qatynaityn reseilik áýekompaniialardyń reisterin qabyldaýdan bas tartqan. Biraq birneshe ýaqyttan keiin Tájikstan men Resei eki áýe habarlamasyn damytýǵa kelisim jasady.
«Iamal» áýekompaniiasy Resei territoriiasynda 60-tan asa baǵyt boiynsha áýe tasymalyn jasaidy. Sondai-aq, 14 alys-jaqyn shetelge reisterdi júzege asyrady. Áýe kemeleri parkinde Airbus A-320 jáne A-321, SRJ-200, Boing-737, L-410, CL-600 jáne Sukhoi Superjet 100 ushaqtary bar.
