Qazirgi zamanǵy qanatty zymyranmen qarýlanǵan úsh reseilik atomdy súńgýir qaiyǵy Reseidiń áskeri-teńiz flotynyń shuǵyl tobyna qosyldy. "Admiral Kýznetsov" avianosetsi bastaǵan shuǵyl top Siriia jaǵalaýlaryna qarai júzip barady.
Britandyq The Sunday Times gazetiniń habarlaýynsha, Ulybritaniianyń Áskeri-teńiz flotynyń kemeleri eki atomdy "Akýla" sýbmarini men dizeldi "Kilo" súńgýir qaiyǵynyń baǵytyn baqylap otyr. Olar jaqynda Soltústik Atlantikalyq sýlarǵa kirdi. Basylym málimeti boiynsha, úsh súńgýir qaiyq ótken aptada Mýrmansk portynan shyqqan.
Batys elderi Resei prezidenti Vladimir Pýtinniń siriialyq Aleppo qalasynyń kúl-talqanyn shyǵara ma dep qaýiptenip otyr, delingen maqalada.
Buǵan deiin, juma kúni Pýtin óziniń áskerine Aleppony soqqylaýyn jalǵastyrýǵa tyiym saldy.
centralasian.org
