Reseilik tennisshi Mariia Sharapova sporttyq karerasyn aiaqtady. Bul týraly 26 aqpanda halyqaralyq aqparat agenttikteri habarlady. 32 jastaǵy tennisshi iyq jaraqatynyń saldarynan osyndai sheshim qabyldaǵan.
2016 jyly 7 naýryzda Sharapova shuǵyl baspasóz máslihatyn ótkizip, doping qoldanǵanyn moiyndaǵan. Onyń 2016 jyly qańtarda Melbýrndegi analizinen meldonii tabylǵan. Sharapova sol kezde bul preparatty tek emdelý úshin ishkenin aitqan.
2016 jyly maýsymda ol eki jylǵa sporttan shettetilgen. Keiin onyń apelliatsiialyq shaǵymy qanaǵattandyrylyp, jazasy 15 aiǵa qysqarǵan. 2017 jyly sáýirde ol sportqa oraldy. Biraq Sharapovany iyq jaraqaty mazalap, tennisshi biraz jarystarda oinai almaǵan.
Ol biyl Australian Open jarysyna qatysyp, birinshi ainalymda hovartiialyq Donna Vekichten jeńilip qalǵan. Bul onyń sporttyq karerasyndaǵy sońǵy týrniri boldy.
Sharapova WTA týrnirlerinde 39 ret jeńiske jketken. 2012 jyly London olimpidasynda kúmis medal alǵan. 2005, 2007, 2008 jáne 2012 jyldary álemdik reitingte birinshi orynǵa shyqqan. Bes ret Grand Slam jarysynda jeńiske jetken.
Qazir Sharapova AQSh-ta biznespen ainalysady.
