رەسەيلٸك تەننيسشٸ مارييا شاراپوۆا سپورتتىق كارەراسىن اياقتادى. بۇل تۋرالى 26 اقپاندا حالىقارالىق اقپارات اگەنتتٸكتەرٸ حابارلادى. 32 جاستاعى تەننيسشٸ يىق جاراقاتىنىڭ سالدارىنان وسىنداي شەشٸم قابىلداعان.
2016 جىلى 7 ناۋرىزدا شاراپوۆا شۇعىل باسپاسٶز مەسليحاتىن ٶتكٸزٸپ, دوپينگ قولدانعانىن مويىنداعان. ونىڭ 2016 جىلى قاڭتاردا مەلبۋرندەگٸ اناليزٸنەن مەلدونيي تابىلعان. شاراپوۆا سول كەزدە بۇل پرەپاراتتى تەك ەمدەلۋ ٷشٸن ٸشكەنٸن ايتقان.
2016 جىلى ماۋسىمدا ول ەكٸ جىلعا سپورتتان شەتتەتٸلگەن. كەيٸن ونىڭ اپەللياتسييالىق شاعىمى قاناعاتتاندىرىلىپ, جازاسى 15 ايعا قىسقارعان. 2017 جىلى سەۋٸردە ول سپورتقا ورالدى. بٸراق شاراپوۆانى يىق جاراقاتى مازالاپ, تەننيسشٸ بٸراز جارىستاردا ويناي الماعان.
ول بيىل Australian Open جارىسىنا قاتىسىپ, بٸرٸنشٸ اينالىمدا حوۆارتييالىق دوننا ۆەكيچتەن جەڭٸلٸپ قالعان. بۇل ونىڭ سپورتتىق كارەراسىنداعى سوڭعى تۋرنيرٸ بولدى.
شاراپوۆا WTA تۋرنيرلەرٸندە 39 رەت جەڭٸسكە جكەتكەن. 2012 جىلى لوندون وليمپيداسىندا كٷمٸس مەدال العان. 2005, 2007, 2008 جەنە 2012 جىلدارى ەلەمدٸك رەيتينگتە بٸرٸنشٸ ورىنعا شىققان. بەس رەت Grand Slam جارىسىندا جەڭٸسكە جەتكەن.
قازٸر شاراپوۆا اقش-تا بيزنەسپەن اينالىسادى.
