Novorossiiskiniń Primorskii aýdandyq soty ekologiialyq buzýshylyqtarǵa bailanysty Kaspii qubyr konsortsiýmynyń (KQK) qyzmetin toqtata turý týraly sheshim qabyldady. Konsortsiým qyzmeti 5 shildeden bastap 30 táýlikke toqtamaq. Kompaniia bul sheshimge shaǵymdanýǵa nietti, dep habarlaidy "Ult aqparat" Ulysmedia.kz portalyna silteme jasap.
Rostransnadzor 6 mamyrda "KQK-R" aq jospardan tys kóshpeli tekserý júrgizgenin, nátijesinde munaidyń apattyq tógilýin joiý jospary boiynsha birneshe qujattyq buzýshylyqtardy anyqtaǵanyn habarlady. Rostehnadzordyń Ońtústik teńiz jáne ózen baqylaýy basqarmasy terminaldyń qyzmetin 90 kúnge toqtata turýdy talap etip, sotqa júgindi. Kompaniialar anyqtalǵan buzýshylyqtardy 30 qarashaǵa deiingi merzimde joiý týraly nusqama berdi.
Biraq merzimniń aiaqtalýyn kútpei, Rostransnadzordyń Ońtústik basqarmasy KQK jumysyn 90 kúnge toqtata turýdy talap etti. Sot 5 shildede talapty ishinara qanaǵattandyrdy — kompaniia qyzmetin 30 táýlikke shektedi.
Kaspii qubyr konsortsiýmy Resei Federatsiiasynyń quqyqtyq alańy aiasynda jumys isteidi jáne sot sheshimin oryndaýǵa májbúr. Sheshimge shaǵym jasalady, – delingen kompaniianyń baspasóz habarlamasynda.
Kaspii qubyr konsortsiýmy – Qazaqstannan eksportqa munai tasymaldaýdyń negizgi baǵyty. Qubyrdan alynǵan shikizat Novorossiisk mańyndaǵy teńiz terminaly arqyly tankerlerge jiberiledi. 2021 jyly 60,7 mln tonna munai jóneltildi (Qazaqstannan 53 mln tonna). Negizgi aktsionerler: Resei (31%), Qazaqstan (20,75%), Chevron (15%), LÝKOIL (12,5%), Exxon (7,5%), Rosneft-Shell Caspian Ventures Limited (7,5%).
Aita keteiik, Resei Ýkrainaǵa basyp kirip, Batys elderi Máskeýge sanktsiia salǵaly beri Qazaqstan munai eksporttaý boiynsha alǵash ret shekteýge ilinip otyrǵan joq. Biyl naýryzda qubyr konsortsiýmynyń Reseidiń Novorosiisk qalasy túbindegi teńiz portynda munai tasymaldaityn eki qondyrǵysy isten shyǵyp, jumysyn ishinara toqtatqan. Tek mamyrdyń sońynda qalpyna kelgeni habarlandy. Resmi túsindirýi boiynsha, oǵan teńiz daýyly sebep bolǵan. Alaida naýryz aiynda nemistiń Handelsblatt basylymy zertteý jariialap, "Resei Qazaqstan munaiynyń Eýropa naryǵyna shyǵýyna qasaqana túrde bóget jasaǵan" degen tujyrym jasaǵan.
KQK arqyly tasymaldanatyn munaidyń 90 paiyzǵa jýyǵy – Qazaqstannan keledi jáne olar túgelge jýyǵyn shikizatpen "Teńiz", "Qashaǵan", "Qarashyǵanaq" munai jobalary qamtamasyz etip otyr. Osy qubyrmen Resei munai kenishterinde óndirilgen biraz shikizat ta tasymaldanady.
