نوۆوروسسييسكٸنٸڭ پريمورسكيي اۋداندىق سوتى ەكولوگييالىق بۇزۋشىلىقتارعا بايلانىستى كاسپيي قۇبىر كونسورتسيۋمىنىڭ (كقك) قىزمەتٸن توقتاتا تۇرۋ تۋرالى شەشٸم قابىلدادى. كونسورتسيۋم قىزمەتٸ 5 شٸلدەدەن باستاپ 30 تەۋلٸككە توقتاماق. كومپانييا بۇل شەشٸمگە شاعىمدانۋعا نيەتتٸ, دەپ حابارلايدى "ۇلت اقپارات" Ulysmedia.kz پورتالىنا سٸلتەمە جاساپ.
روسترانسنادزور 6 مامىردا "كقك-ر" اق جوسپاردان تىس كٶشپەلٸ تەكسەرۋ جٷرگٸزگەنٸن, نەتيجەسٸندە مۇنايدىڭ اپاتتىق تٶگٸلۋٸن جويۋ جوسپارى بويىنشا بٸرنەشە قۇجاتتىق بۇزۋشىلىقتاردى انىقتاعانىن حابارلادى. روستەحنادزوردىڭ وڭتٷستٸك تەڭٸز جەنە ٶزەن باقىلاۋى باسقارماسى تەرمينالدىڭ قىزمەتٸن 90 كٷنگە توقتاتا تۇرۋدى تالاپ ەتٸپ, سوتقا جٷگٸندٸ. كومپانييالار انىقتالعان بۇزۋشىلىقتاردى 30 قاراشاعا دەيٸنگٸ مەرزٸمدە جويۋ تۋرالى نۇسقاما بەردٸ.
بٸراق مەرزٸمنٸڭ اياقتالۋىن كٷتپەي, روسترانسنادزوردىڭ وڭتٷستٸك باسقارماسى كقك جۇمىسىن 90 كٷنگە توقتاتا تۇرۋدى تالاپ ەتتٸ. سوت 5 شٸلدەدە تالاپتى ٸشٸنارا قاناعاتتاندىردى — كومپانييا قىزمەتٸن 30 تەۋلٸككە شەكتەدٸ.
كاسپيي قۇبىر كونسورتسيۋمى رەسەي فەدەراتسيياسىنىڭ قۇقىقتىق الاڭى اياسىندا جۇمىس ٸستەيدٸ جەنە سوت شەشٸمٸن ورىنداۋعا مەجبٷر. شەشٸمگە شاعىم جاسالادى, – دەلٸنگەن كومپانييانىڭ باسپاسٶز حابارلاماسىندا.
كاسپيي قۇبىر كونسورتسيۋمى – قازاقستاننان ەكسپورتقا مۇناي تاسىمالداۋدىڭ نەگٸزگٸ باعىتى. قۇبىردان الىنعان شيكٸزات نوۆوروسسييسك ماڭىنداعى تەڭٸز تەرمينالى ارقىلى تانكەرلەرگە جٸبەرٸلەدٸ. 2021 جىلى 60,7 ملن توننا مۇناي جٶنەلتٸلدٸ (قازاقستاننان 53 ملن توننا). نەگٸزگٸ اكتسيونەرلەر: رەسەي (31%), قازاقستان (20,75%), Chevron (15%), لۋكويل (12,5%), Exxon (7,5%), Rosneft-Shell Caspian Ventures Limited (7,5%).
ايتا كەتەيٸك, رەسەي ۋكرايناعا باسىپ كٸرٸپ, باتىس ەلدەرٸ مەسكەۋگە سانكتسييا سالعالى بەرٸ قازاقستان مۇناي ەكسپورتتاۋ بويىنشا العاش رەت شەكتەۋگە ٸلٸنٸپ وتىرعان جوق. بيىل ناۋرىزدا قۇبىر كونسورتسيۋمىنىڭ رەسەيدٸڭ نوۆوروسييسك قالاسى تٷبٸندەگٸ تەڭٸز پورتىندا مۇناي تاسىمالدايتىن ەكٸ قوندىرعىسى ٸستەن شىعىپ, جۇمىسىن ٸشٸنارا توقتاتقان. تەك مامىردىڭ سوڭىندا قالپىنا كەلگەنٸ حابارلاندى. رەسمي تٷسٸندٸرۋٸ بويىنشا, وعان تەڭٸز داۋىلى سەبەپ بولعان. الايدا ناۋرىز ايىندا نەمٸستٸڭ Handelsblatt باسىلىمى زەرتتەۋ جارييالاپ, "رەسەي قازاقستان مۇنايىنىڭ ەۋروپا نارىعىنا شىعۋىنا قاساقانا تٷردە بٶگەت جاساعان" دەگەن تۇجىرىم جاساعان.
كقك ارقىلى تاسىمالداناتىن مۇنايدىڭ 90 پايىزعا جۋىعى – قازاقستاننان كەلەدٸ جەنە ولار تٷگەلگە جۋىعىن شيكٸزاتپەن "تەڭٸز", "قاشاعان", "قاراشىعاناق" مۇناي جوبالارى قامتاماسىز ەتٸپ وتىر. وسى قۇبىرمەن رەسەي مۇناي كەنٸشتەرٸندە ٶندٸرٸلگەن بٸراز شيكٸزات تا تاسىمالدانادى.
