"Ne? Qaida? Qashan?" ("Chto? Gde? Kogda?") atty reseilik tanymal telebaǵdarlamada Almaty turǵyny qoiǵan suraqqa qatysýshylar jaýap bere almai, otandasymyz qomaqty utys jeńip aldy.
Bir qyzyǵy, almatylyq Nurlan Asylbekovtyń qoiǵan suraǵy tym qarapaiym edi: "Verbliýd" qazaqsha "túie", "ptitsa" - "qus". Al qazaq tilinde "túiequs" degen ne?"
Alaida Ivan Jarkevichtiń bastaǵan intellektýaldar toby qansha oilansa da, bul suraqtyń durys jaýabyn taba almady.
Oiynshylardyń biri Denis Galiakberov bul qus birqazan (pelikan) shyǵar dep qate tujyrym jasady. Aqyry sońynda oqymystylar qaýymynyń basyn qatyrǵan almatylyq jigit 60 myń rýbl, iaǵni 350 myń teńgeni qanjyǵasyna bailady.
Aita ketsek, bul baǵdarlamaǵa Dimash Qudaibergen ekinshi ret qonaq bolyp, tanymal reseilik kompozitor Igor Krýtoimen birge "Mademýazel Haid" ánin oryndady.
